نئی دہلی،23دسمبر(آئی این ایس انڈیا)عام آدمی پارٹی نے یوپی میں انتخابات لڑنے کا فیصلہ کیا ہے، تب سے سیاسی گرما گرمی میں اضافہ ہوگیا ہے۔ سیاسی گلیاروں میں یہ بات ہورہی ہے کہ عام آدمی پارٹی تنہا انتخابات میں حصہ لے گی یا کسی اتحاد کا حصہ بن کر؟ سماج وادی پارٹی کے ساتھ بھی اس کے اتحاد کے امکان کو مسترد نہیں کیا جاسکتاہے، اس لئے یہ قیاس آرائیاں بھی کی جارہی ہیں کہ وہ اویسی-راج بھر - شیوپال یادو کے ممکنہ اتحاد میں شامل ہوسکتی ہے۔

عام آدمی پارٹی کے لیڈرنے کہاکہ اگر ہمارے پاس تیاریاں نہیں ہوتیں تو ہم الیکشن لڑنے کا اعلان نہیں کرتے، جہاں ہم تیار نہیں ہیں، ہم اس طرح کا کوئی اعلان نہیں کرتے ہیں،ہم 2015 میں دہلی میں دوبارہ اقتدار میں آئے، اس کے بعد 2017 میں یوپی انتخابات ہوئے لیکن ہم اس وقت تک تیار نہیں تھے، اس لئے ہم خاموش ہوگئے، اب ہم یوپی کے بارے میں ہر نقطہ نظر سے تیار ہیں، ہمارا تنظیمی ڈھانچہ بھی کھڑا ہو گیا ہے، ہمارے پاس اسمبلی میں ایک بھی ایم ایل اے نہیں ہے، اس کے باوجود یوپی میں ہم مرکزی اپوزیشن کے کردار میں ہیں۔

ہم سمجھتے ہیں کہ ہم پنجاب میں حکومت نہیں بناسکتے، لیکن ہمارے پہلے مرحلے میں توسیع کو ناکامی نہیں کہا جاسکتا۔ پہلے انتخابات میں ہمیں 24 فیصد ووٹ ملے، کانگریس، بی جے پی، اکالی دل جیسی پرانی جماعتوں کا سامنا کرنا پڑا، ہم اسمبلی میں بھی 20 سیٹیں جیتنے میں کامیاب ہوئے اور اسمبلی میں حزب اختلاف کی مرکزی جماعت بن گئے، اگرچہ ہم گوا میں ایک بھی نشست نہیں جیت سکے، لیکن ہم ریاست میں کسی تسلیم شدہ پارٹی کو کم سے کم 6 فیصد ووٹ حاصل کرنے میں کامیاب ہوگئے۔ پہلے الیکشن میں بھی ایسا کرنا ایک کامیابی ہے۔